اليوم تقريري حيكون عن مطعم يلدزلار
طبعا الإسم غني عن التعريف من أقدم المطاعم التركية بجدة
موقعو: الحمرا شارع الأندلس خلف فريدركرز
بداية من اول وصولنا الى المطعم استقبلنا رجل تركي طيب من عند الباب وفتحلنا هوا ، دخلنا في طاولة مطلة على شلال وبما اني اعشق صوت الموية مرة انبسطت من موقع الطاولة
أول شي قدمولنا المقبلات مع العصيرات وكانت كالتالي:
بابا غنوج، متبل، محمرة، حمص، تبولة، فتوش، ،وق عنب
ومعاهم صحن معجنات وكبة
صراحة المقبلات لزيزة واسعارها معقولة على الكمية المقدمة
ماشاء الله جدا كريمين في الكميات ..
بعدين نجي للأطباق الرئيسية:
طلبنا
١- اسكندر كباب: صراحة مرررة لزيز يقدمو مع لبن عيران
٢- سكالوب دجاج: ماشاء الله كلنو حاطين وصلتين بس مررة حجمها كبير وطعم
٣- مشوي اوصال لحم وشيش طاووق: كانت طعمة وبرضو كميتها مرة كويسة
٤- حمام مشوي: بما اني أول مرة اذوقو فكان لابأس به
٥- ستيك لحم: طعم ولكن انا افضل انو ينأكل في المطاعم الأمريكية فقط
وعن نظافة المكان، صراحة كان نظيف وجلساتو مرتبة والخدمة ممتازة ..
ليست هناك تعليقات:
إرسال تعليق